發起「抗疫十字步」挑戰 薛家燕：再唔郁變楊貴妃

薛家燕為響應全民留家抗疫，最近在網上發起「抗疫十字步」挑戰，廣邀藝人跟住跳，呼籲大家留家運動強身健體。家燕姐前晚性感現身《流行經典50年》錄影，笑言開心圈中朋友踴躍支持，又自嘲若繼續不肯做運動，遲早變成楊貴妃般圓潤。

薛家燕前晚偕余香凝等錄影節目，家燕姐穿上藍色低胸裝現身，大曬事業綫。提到她最近在社交網下戰書，廣邀圈中好友大跳其招牌十字步，問到進展如何？她笑說：「挑戰好成功，因為大家抗疫留喺屋企，都無咩好做，所以最好係做運動。如果我再唔做運動，就會變咗楊貴妃咁，成個身形都會好豐滿！」

家燕姐開心指一眾藝人對「抗疫十字步」反應熱烈：「不過黎諾懿未找數，陳敏之跳咗，但佢對腳太長，所以淨係影咗大半身，如果佢要拍全身，我諗個人會變得好細粒，睇唔清楚。」她笑指林盛斌（Bob）穿上日本服飾上陣，跳得搞笑又有創意。

余香凝有個「多功能妹妹」

同場的余香凝表示最近因疫情關係，未能上堂學唱歌，惟有在家用唱K手機App練歌，她笑說幸好家中有「多功能妹妹」余潔滢：「因為我要同鄭俊弘合唱，所以阿妹扮男聲陪我練。我之前試鏡，阿妹又幫我排戲，最後試鏡成功，我好感激佢。平時佢做家務，又煮嘢畀我食。」她笑言一定會報答妹妹：「不過我向來待佢不薄，我做模特兒嘅時候，已出錢畀阿妹去箍牙。」

採訪︰Pauline

攝影︰林良明

編輯：李潔盈

美術：梁政敏