一圖睇清 麥當勞4月多重優惠

面對新冠肺炎疫情肆虐，大家都要做好防疫措施，公關姊妹同黛安講，麥當勞就透過美食同香港齊齊抗疫兼打氣，佢哋今個月有唔少新推廣，由朝到晚都有優惠，有得食有得玩，仲有贈品㖭！

例如現時每日下午6時至凌晨12時使用麥麥送訂餐，一律免運費至4月20日。即日起喺晚上6時至9時於麥麥送平台，更可以$88訂購麥炸雞分享桶，此優惠於星期六、日及公眾假期都用得㗎；另外，Double系列亦由即日起逢星期一至五（公眾假期除外），晚上6時至9時以打氣價發售，好似Double魚柳飽超值套餐只需$35。至於火腿扒芝蛋飽亦由本周四（16日）起加入超值選，只售$13，仲會加入A+B下午茶餐優惠！

另外，因為4月有兒童節同復活節，由即日起至4月23日，只要喺餐廳或麥麥送購買任何開心樂園餐，除咗隨餐嘅玩具之外，仲可以獲贈神秘禮物一份。如果朝早11點前去買炒雙蛋系列套餐，亦可獲贈威露士免洗搓手液，優惠至5月11日㗎。