支持停辦港姐一年 張秀文：可儲多啲靚女

林盛斌（Bob）、張秀文主持的遊戲節目《你估我唔到》大受觀眾歡迎，昨日錄影最後一集，邀請到薛家燕做壓軸嘉賓。家燕姐在電視城「出巡」時，Bob立即向她跪安，場面搞笑！港姐出身的張秀文，則認同今年停辦港姐的決定。

丁子朗早前在《你估我唔到》跳手指舞，疑似戳落張秀文胸前，掀起網上熱話，兩人解釋只是節目效果而已，實屬一場誤會。昨日輪到家燕姐睇片玩夾公仔遊戲，同樣非常投入，她大讚可以即場攞走禮物，並笑稱︰「都幾開心呀，以前無得夾公仔，而且拍拖好慳，都係行下公園，夏天食多支雪條囉。」

提到今屆香港小姐受疫情影響而取消，張秀文是2010年港姐亞軍，她起初表示可惜，身旁的家燕姐竟大搞氣氛說︰「哎呀！原本我諗住今年參加（港姐），其實我呢個年紀都有好多靚女，仲係天然嘅！」秀文回應稱：「今年停辦，真係少咗啲嘢咁，個人會囉囉攣，不過都明白係疫情因素。初時以為係押後，希望明年復辦啦，咁儲埋多啲靚女，佢哋又可以攞多啲經驗。」

Bob三個女學打麻將

Bob表示每個嘉賓玩「夾公仔機」都好投入，但他沒有帶仔女玩夾公仔，反而三個女兒朝早起床會在家打麻將。Bob解釋：「可能佢哋見到大人打牌覺得好有趣，於是走去學埋一份，佢哋係玩籌碼，但輸咗都會好肉赤。等到個仔大啲可以同三個家姐一齊開枱，到時我就負責斟茶遞水。」

採訪、攝影︰Pauline

編輯：陳禮恒

美術：梁政敏