陪兒子家中抗疫 森美歎DIY「400次咖啡」

韓國超人氣「400次咖啡」熱潮，近日席捲香江，做法要將焦糖咖啡攪拌逾400次，形成泡沫狀奶蓋。不少藝人如森美、小儀、胡子彤也趕上潮流，在IG分享製成品，森美留言︰「坐喺屋企一定肥系列，今日節目講過時興嘅Coffee 400，邊個打畀你飲，就係Love You 3000。」

森美向《晴報》透露日日飲咖啡，「依家少出街，老婆日日整畀我飲，咪跟下韓國風，不過全家得我飲咖啡！」問到囝囝從英國返港正接受家居隔離的現況，森美續稱︰「佢戴住口罩喺房門，我就喺走廊隔住四、五米！晚晚傾偈！其實佢唔辛苦，房間有電腦可上網補習，同啲同學都有社交，已驗過兩次（測試）都係陰性，不過醫生都話要謹慎啲，等佢夠14日先出來！」