入行10年 謝東閔角逐樂壇新人獎

謝東閔昨日到商台宣傳新歌《最冷的一天》，提到新歌登上iTunes廣東歌排行榜榜首，他興奮說：「入行十年，終於做樂壇新人！我一啲都唔覺得尷尬，楊明都等咗好多年先攞到『飛躍進步男藝員』，我係樂壇初哥，有心唔怕遲！」

提到何雁詩發燒，要做新冠肺炎病毒快速測試，謝東閔即說：「咁大鑊！上次見佢已經幾個禮拜前錄影《娛樂大家10點半》，希望佢無事。我自己唔驚（中招），只係我同父母住，年紀大嘅人係高危一族。」他又透露上月幫緋聞女友朱智賢放狗時，曾遇到何雁詩及鄭俊弘。提到朱智賢為他宣傳新歌，他開心說：「佢鍾意就更開心，大家咁好朋友。」

採訪︰Pauline

攝影︰林良明