馬明大整蠱 讚蕭正楠剃頭最靚仔

蕭正楠前日度過43歲生日，昨日返將軍澳電視城開工拍攝新劇《一笑渡凡間》，談到老婆翠如冧爆賀生日，他的臉上即流露會心微笑，並表示由於疫情關係，兩人沒有外出吃飯，翠如在家中親自下廚，亦有準備蛋糕。記者笑問蕭正楠可有肚痛？他笑言︰「點解我食佢煮嘅嘢一定會肚痛呢！」阿蕭表示早前為新劇扮演濟公時不慎「拗柴」，連生日當天都要做物理治療，翠如也有為他捽藥。翠如可有幫他沖涼？阿蕭笑言︰「咁又唔使，不過沖涼之前，隻腳要包好免濕水。」

訪問期間，馬國明剛巧路過，即向蕭正楠送上祝福，更爆料指公司停廠讓他回家慶生，阿蕭急忙解釋只是當日由另一劇組使用同一個廠而已。馬明又大讚蕭正楠的古裝扮相是全公司最靚仔，還建議他考慮剃頭拍清裝。

採訪、攝影︰Pauline