新劇合演兩母子 坤哥口花花撩娥姐

商天娥（娥姐）、吳業坤（坤哥）最近在拍攝中新劇《BB大晒》飾演兩母子，二人前晚以「母子檔」錄影遊戲節目《娛樂大家10點半》，娥姐大讚坤哥有幽默感，曾在開鏡拜神時稱呼她做「天娥」，令她不知好嬲定好笑。

坤哥和娥姐合照時看似非常親暱，不過坤哥的右手在娥姐背後想攬與不敢攬之間，尷尬又搞笑。坤哥被問到何不乾脆攬落去？他坦言︰「疫情嚴峻，都係減少接觸好啲。」向來注重個人衞生的娥姐，埋位前盡量都會戴口罩及面罩，以防飛沫傳播，她解釋︰「有啲人講嘢好鍾意噴口水，遇到呢啲人我會即刻戴番口罩，或者用手巾仔掩面。（坤哥有無對住你噴口水？）咁又無，佢都唔多嘢講！」

與馬明做兄弟

提到馬國明在《BB大晒》飾演娥姐的長子，兩人在劇中竟有溫馨「床戲」，可惜「細佬」坤哥卻沒有這種「福份」，坤哥坦言感到失望。娥姐笑謂︰「遲啲拍嗰個場口，你可以嚟睇下！」坤哥聞言神回：「我唔想有新緋聞！」他還打趣表示擔心娥姐老公呷醋，娥姐沒好氣說：「好彩我老公今日無嚟！」其後又大讚坤哥說話具幽默感，而且腦袋轉得很快。

採訪︰Pauline

編輯：陳禮恒

美術：梁政敏