何雁詩邀甘草黃文標任MV男主角

去年尾約滿星夢娛樂的何雁詩（Stephanie），首次以獨立歌手身份推出新歌《致有夢想的人》。她不但一手一腳統籌新歌MV，更棄用靚仔model，請來甘草演員黃文標演出。她表示MV靈感緣自一次叫外賣經歷︰「好榮幸搵到標哥呢位前輩擔演MV男主角，構思呢個大綱時，覺得主角必須係好貼地嘅人，加上標哥演技十分好，實在幫MV增添好多色彩。」

Stephanie坦言做獨立歌手親力親為，感覺神奇：「好多以前唔識做，或者唔知要做嘅事，都要學習去完成。由小事如整圖、剪片到大事如傾價錢、簽合約、發行，好多都係我第一次接觸，學到嘅實在太多。」