林穎彤讚緋聞男友伍富橋好舞功

林穎彤（Bella）與緋聞男友伍富橋，昨日到商台宣傳兩人合唱新歌《迷魂陣》。Bella大讚伍富橋的「舞功」高強，他直言在中一開始已接觸拉丁舞，「以前喺港隊，都有攞過獎，直到去外國讀書才停咗。」本身擁有跳舞學校的他，笑問他可有向闊太們獻殷勤？伍富橋尷尬稱︰「咁又無，我間學校通常都係小朋友嚟學，但歡迎太太們去我嘅跳舞學校上堂。」他更自爆當年14、15歲參加東亞運動會時，遇到也是拉丁高手的「送水輝」許家傑，還即場邀對方合照「集郵」，可惜二人未有機會合作。

至於Bella與伍富橋早前為新歌MV大跳拉丁舞，由於二人舞技有高低，Bella自言NG較多︰「佢技巧好好多，又想拍好啲，所以難度高。」不過，伍富橋因為拍一字馬等動作拉傷了大腿，Bella笑言沒有幫他按摩，只送了鎮痛貼給他。採訪︰Pauline

攝影︰林良明