龐景峰抗疫都講環保

龐景峰昨日召集多位藝人包括黃榕、郭思琳及邱芷微等，齊到西環派發防疫用品。龐景峰自言抗疫都要講環保，早前在美國購買可換濾芯的環保口罩，他表示︰「口罩加濾芯可用足一個月，婆婆住喺三藩市，佢今年94歲，本身少出街唔太擔心。（幾時去美國探佢？）應該嚟緊暑假都會返。」

龐景峰早前接了一個維他命丸廣告，他自爆︰「要做空中翻騰動作，用功夫踢走細菌，都幾得意！」他有份投資的演藝學校有否受疫情影響？他指業主有減租，學生入學校都會洗手消毒，並戴上口罩練功，課堂結束，他就跟拍檔吸塵及拖地。同場的黃榕自言口罩存量不足一盒，為了慳住用，會用紙巾攝入口罩，亦會減少出街和應酬。

攝影︰林良明