父母檢疫結果呈陰性 森美鬆口氣：無病毒好開心

森美的父母連日來滯留在日本橫濱的「鑽石公主號」郵輪上，昨早森美表示父母新冠肺炎的檢疫結果呈陰性，並乘坐第二班包機回港，令憂心不已的森美鬆一口氣。

森美父母在爆發新冠肺炎的「鑽石公主號」隔離十多天，令森美非常擔心，連日與父母緊密聯繫。昨日森美在商台做完節目後受訪，透露昨日凌晨收到父母訊息，得知他們的檢疫結果呈陰性：「無病毒，好開心，父母上唔到前一晚嘅專機，會搭（第二班）包機返嚟。不過我都仲驚同擔心，會叫佢哋搭飛機做好防禦同安全措施，戴口罩、手套、襪、鞋套等，喺機上盡量唔好捽眼耳口鼻。」

問到父母情緒如何？森美表示︰「佢哋知道自己無事都好開心，可以返嚟香港先，遠離病源。（放下心頭大石？）係呀，之前好驚，以為無病徵就無事，但呢幾日有好多確診個案，知道佢哋無事才安心。」

無綫化粧師確診

提到父母返港後需入住隔離營，森美表示正為兩老準備隔離物資，亦相信隔離營環境不會太差：「反而佢哋喺船嗰陣仲擔心，驚會受感染，好彩佢哋好乖，咁多日都只係出過房一次，相信佢哋喺香港都會好乖。父母抵港時可會隔空見面？他笑說︰「又唔會緊張到咁，返到香港視像都見到，喺船上都有keep住WhatsApp。」

另外，無綫證實一名女化粧師在「鑽石公主號」確診，現正於日本接受治療，又指她由上月25日開始休假至今。

撰文︰Pauline

攝影︰林良明

編輯：李潔盈

美術：梁政敏