孖泰國網紅合演「另類母女」鬥搞笑 朱咪咪︰佢好有女人味

朱咪咪早前與泰國網絡「女神」Happy Polla（快樂寶拉）拍攝馬來西亞電影《新年泰瘋狂》，兩人在片中飾演「另類兩母女」大放笑彈，咪咪姐昨日接受《晴報》電話訪問時，大讚他極具搞笑潛質兼有女人味，有網民對這對兩地諧星合演爆笑喜劇，直言追看意慾濃。

朱咪咪早前夥拍Happy Polla、「宅男女神」林明禎、泰國爆紅男星吳旭東、邵音音及吳耀漢等合拍《新年泰瘋狂》，電影講述林明禎飾演的冒牌網紅結識到富二代吳旭東後，上演「假公主」遇上「真王子」戲碼，而朱咪咪與扮演千金小姐的Polla飛到吉隆坡探訪未來新抱仔林明禎，惟林擔心會被「奶奶」嫌棄家境窮困，故借了吳耀漢的豪宅扮有錢人，引發連串爆笑趣事。

咪咪姐接受本報訪問時，談起電影拍攝過程即滔滔不絕，她更自爆︰「第一日開工，佢哋就要我講泰文，我呆咗，我一句都唔識㗎嘛，後尾佢哋喺現場寫晒『貓紙』。」提起身形魁梧但又充滿媚態的Polla，咪咪姐更是相當興奮，還大讚他有搞笑潛質，咪咪姐表示︰「佢一行出嚟就好有笑點，拍攝嘅時候好認真，表情又得意，同埋佢完全唔介意自己身份，做得好放，好有女人味，我哋都拍得好開心。」

唔知Polla咁出名

雖然咪咪姐只拍了約一星期戲份，但已與Polla建立濃厚的「母女情」，Polla更不時在社交網上載跟咪咪姐的合照，兩人攬頭攬頸，儼如真母女。不過，原來咪咪姐拍畢電影後，才得悉Polla在星馬泰十分出名，她表示︰「都係我個仔話我聽先知咋！」認真搞笑。不少網民對咪咪姐與Polla的合作表示十分驚喜，坦言很想入戲院看兩人鬥戲，有人則笑稱咪咪姐和Polla一樣咁正。

撰文︰Pat、Steven

協力︰Carol

編輯︰黃寶恩

美術︰Simon