奪雙料女主角慶功 阿Sa預告Twins合體拍劇

蔡卓妍（阿Sa）早前於「2019澳門國際電影節」及「澳門國際電視節」頒獎禮上，分別憑電影《非分熟女》及網劇《PTU機動部隊》奪得最佳女主角獎項。阿Sa前晚獲公司舉行慶功宴，她更預告Twins今年合體演出，皆因她與好姊妹鍾欣潼（阿嬌）將接演網劇。

慶功宴上非常熱鬧，除了女主角蔡卓妍帶同影后及視后獎座到場外，老闆楊受成、容祖兒、張敬軒、任達華及陳家樂等亦出席。難得公司上下齊人，楊老闆實行跟大家提早團年。阿Sa透露將會到馬來西亞拍網劇，同劇演員更有阿嬌、關智斌及何佩瑜：「我好期待，加上呢個劇本係我近年睇過最好嘅一個，會留喺馬來西亞幾個月。」至於農曆新年，阿Sa將留港度歲：「會去老闆屋企賭錢，年年一定要去，以往斬獲都幾多，老闆開心我哋開心。」不過阿嬌未有現身，原來前日39歲生日的她，獲老公賴弘國送上大蛋糕慶祝，相當甜蜜。

容祖兒新年美國巡唱

同場的容祖兒上周完成澳門演唱會，原來開騷當日突然喉嚨劇痛：「好彩我哋係『藥箱都變成首飾箱』，有好多藥喺度，即刻啪咗粒藥，總算頂得到。」祖兒將於大年初一展開歐美巡迴演唱會，首站是美國拉斯維加斯，但向來跟祖兒形影不離的容媽媽會留港湊B：「細佬（老婆）啱啱生咗B，媽咪好想多啲時間陪BB。」她笑言已拜託經理人霍汶希照顧容媽媽。

撰文︰Pauline

編輯：李潔盈

美術：梁政敏