周勵淇懷「鼠寶寶」 甄子丹：快啲生多幾個

賀歲片《肥龍過江》前晚在九龍灣舉行首映禮，甄子丹、張繼聰、王晶及女兒王子涵等演員出席，有份主演的周勵淇（Niki）首次懷孕，她聽從醫生叮囑減少外出而缺席首映，甄子丹送上祝福，並叫Niki好好安胎。

周勵淇於18年底與內地男星傅浤鳴結婚，40歲的她前日在社交網宣布懷孕，即將做鼠年媽咪。甄子丹表示早幾日才獲悉喜訊：「佢（Niki）吞吞吐吐，話有啲嘢想同我講，我都估到；拍《肥龍過江》時我都唔知佢有個愛人。我已經叫佢快啲生多幾個。恭喜佢，呢個係人生重要嘅事，好好安胎。」

客串《倚天屠龍記》

甄子丹、周勵淇及王晶曾在《追龍》合作過，子丹在台上盛讚王晶仍有潛能未發揮，應該減少再拍「屎尿屁」作品，改拍用心之作。對於今年賀歲片眾多，子丹認為沒有票房壓力，他謂︰「一套電影嘅成功與否唔係一個人可以決定，但過年應該開開心心，觀眾最好部部戲都入場支持。」此外，有報道稱子丹將演出王晶執導的新版《倚天屠龍記》，他笑言︰「我只係過鏡，露一露面。（滿意酬勞？）我同王晶唔係講錢嘅。」至於網傳朱晨麗在新版《倚天》飾演周芷若，王晶則大賣關子，繼續封嘴。

撰文︰Pauline

攝影︰林良明

美術：Simon