唔想女兒太鬼妹 梁詠琪注重中國傳統

梁詠琪（GiGi）和西班牙籍老公Sergio育有四歲女兒Sofia，由於女兒在香港出生及成長，GiGi希望她多認識中國傳統如尊師重道等。

GiGi與江海迦（AGA）前晚為ViuTV音樂節目《Chill Club》擔任嘉賓，GiGi談到香港的音樂節目愈來愈少，覺得應多支持。GiGi透露新年將會放假休息，希望趁農曆年向女兒灌輸中國傳統知識，她說︰「個女依家大個啲，會開始教佢拜年、斟茶畀父母，因為孝道呢樣嘢喺西方思想嚟講無咁強烈，希望佢唔好咁鬼妹，不過佢都算聽教聽話嘅。」GiGi對女兒的家教也相當嚴謹，如吃剩的飯菜會留下一餐再吃，令女兒學會不浪費食物。

此外，GiGi最近忙於宣傳新歌《平安夜》，歌曲反應好，目前正構思推出新版本，問到GiGi有否計劃開騷？她說︰「依家有兩隻廣東歌，預計會做十隻廣東歌，嚟緊忙錄音，其實做廣東歌真係好開心。」問到女兒是否識唱她的新歌？她笑言︰「佢識唱，因為要喺屋企練歌，所以成日播，亦都有播以前嘅作品，好似《短髮》等佢學下普通話。不過佢依家已經唔聽兒歌，係聽一啲少女嘅英文歌，仲同我爭住播歌。」