賣樓拍《乜代宗師》 黃子華收鼓勵電話眼濕濕

黃子華昨晚率領劉心悠出席賀歲片《乜代宗師》首映禮，有傳因電影在深圳取景，令網民發起罷看，事後子華澄清因銀彈不夠才到內地拍，更要賣樓集資。昨晚子華承認賣樓後投資過千萬開戲，亦特別在台上答謝一班演員「拍心口」演出，令心悠感動到喊。子華說︰「拍片後收到好多朋友鼓勵，搞到我有兩秒淚光，放心，我仲有地方瞓。」

子華拍《乜》片時受傷致右手骨折，他苦笑說︰「拍呢部戲好多波折，搵嘅人嚟唔到，好彩代替嘅人仲好過之前嗰啲。（傳英皇表示投資後縮沙？）呢個係第二個故事，唔係呢套戲。（想有幾多票房？）無諗，兩年前嘅《棟篤特工》係奇迹，唔會成日發生。」心悠對於不收片酬拍攝表示︰「唔緊要，子華有品質保證。」

採訪：Steven

攝影︰林良明