失落「飛躍」獎 湯洛雯想外闖荷里活

湯洛雯（靚湯）、鄧佩儀（Gloria）及黃庭鋒等藝員，昨日出席明珠台《第92屆奧斯卡頒獎典禮》記者會。Gloria表示去年因有工作在身而錯過了奧斯卡頒獎禮，今年最想睇到《JOKER小丑》得獎。

靚湯與Gloria前晚同樣入圍台慶「飛躍進步女藝員」，可惜最終雙雙不敵張曦雯，靚湯對於失落獎項並不意外，她更自認是「老飛」，而「金城安」周嘉洛入行五年便奪得最佳男配角獎，靚湯大讚對方好叻仔，還說自己的目標是攞奧斯卡，「有好多荷里活導演搵我，我要拍《JOKER小丑2》。」問她是否打擊太大？靚湯笑言︰「有獎當然係強心針，戥人得獎都好開心，呢行本來就要百花齊放。」她形容目光應該放遠一點，越級挑戰奧斯卡不是夢。

此外，Gloria被出爐「飛躍進步男藝員」張振朗在台上的一番話深深感動，提醒自己也要加倍努力。靚湯補充說︰「我叫振朗上台唔好喊，佢仲話一定唔會（喊），結果卻喊成咁樣。」