回蘇州鄉下 朱晨麗狂擦大閘蟹食到嘔

朱晨麗（朱朱）早前趁放假回家鄉蘇州探親，更帶父母欣賞好友楊千嬅在當地舉行的演唱會。適逢大閘蟹季節，朱朱趁機吃個痛快，結果食得太多嘔凸！

朱晨麗這次回鄉之行逗留了三日，主要陪伴家人：「我有探埋婆婆，成個假期都好溫暖，無論天氣幾凍，我都覺得暖笠笠。」蘇州盛產大閘蟹，朱朱趁機大快朵頤︰「可能好耐無食過，我竟然控制唔到自己，一下子食得太多頂住個胃，最後嘔晒出嚟，下次我會節制啲㗎喇。不過就算食到嘔都好開心，事關大閘蟹係我童年嘅回憶。」

與楊千嬅姊妹情升溫

另外，朱朱與楊千嬅因合作拍《多功能老婆》成為好姊妹，雖然劇集播完，但她們的「姐妹情」繼續升溫，朱朱更前往欣賞千嬅在蘇州舉行的個唱。朱朱表示︰「我係蘇州人，梗係要盡『地主之誼』，況且上次睇完佢嘅上海個唱，覺得唔夠喉嘛。千嬅嘅蘇州個唱咁啱係冬至，我帶埋父母去睇。台下觀眾嘅反應特別好，千嬅好似萬人迷咁，佢全場都好感性，不停流眼淚答謝粉絲，我覺得佢絕對係一位好值得學習嘅藝人。」

撰文︰Pauline

編輯：李潔盈

美術：梁政敏