王梓軒開騷曬肌宣布有Part 2

王梓軒一連兩場《王梓軒CROSSING源‧樂演唱會》前晚圓滿結束，熱播劇《多功能老婆》金牌編劇監製陳寶華、黃浩然及于淼現身捧場。梓軒在台上半裸曬肌，又抵死說︰「我明白寶華姐要坐喺中間，因為顏成功（于淼）同浩然坐埋一齊，可能畀人打！」他感謝陳寶華寫了一部好劇集，並有機會與前輩梁舜燕合作。

騷後，梓軒在慶功宴滿場飛，即時啟動「食力」，他笑說︰「終於可以食餐勁！」他坦言開兩場演唱會意猶未盡，希望可以唱多幾場，更即場公布好消息︰「頭先都屈咗啲投資者，佢哋應承咗『落疊』（再贊助開騷），我哋下一站見。」