獨居鄧萃雯考慮用平安鐘

鄧萃雯（雯女）與羅蘭昨天以宣傳大使身份，到何文田出席「長者安居日」活動。雯女表示會鼓勵媽媽使用平安鐘，並認為家居意外防不勝防，獨居的她亦會考慮安裝一個，萬一有意外，黃金72小時救援是十分重要。

鄧萃雯表示入行首次擔演的電視劇《薛仁貴征東》，正是夥拍羅蘭姐，很感激得到對方的照顧，難得今次合作拍宣傳片，更希望將來可以再一齊合演電視劇。

雯女憶述當年在TVB的日子，她表示︰「以前喺TVB拍劇，成日都唔夠瞓，返到屋企沖涼，好多時都已經暈陀陀，心神恍惚，萬一唔小心跣低，就會有機會失救，所以平安鐘唔一定長者先可以用，年輕一代其實亦有呢個需要，最近好多年輕人猝死，所以都係一個警號。」雯女自爆媽媽本來都有平安鐘，但她不肯用，雯女笑言現在會以大使身分游說媽媽用；而跟隨雯女多年的女傭年紀開始大，都想為她準備一個平安鐘，雯女說︰「我成日提住工人姐姐，當我唔喺屋企，千祈唔好爬高。」

羅蘭姐擔任大使23年

羅蘭姐已擔任宣傳大使23年，自己亦有使用。問她會否教老友記用平安鐘？羅蘭姐表示︰「一定會，其實好多年前我屋企已經裝了平安鐘，本來放喺客廳，有一晚帶入睡房，可能入睡時唔小心觸碰到平安鐘，整晚電話不停響，當自己被吵醒後，發覺有人拍門同大嗌，打開門嘅時候，見到消防員、警察、仲有一個預備撬門嘅人，嗰時發覺原來平安鐘真係可以幫到有需要嘅人。」記者笑問羅蘭姐會否介紹給老友胡楓（修哥）？她笑言修哥家中有很多人，而且他仍然十分精靈，不用擔心他。

另外，有傳陳國強將辭去無綫主席職務，無綫將會有大變動，雯女與羅蘭姐皆表示沒有接觸過陳國強，所以沒有回應。

採訪︰Pauline

編輯：陳禮恒

美術：梁政敏