拒舞台上求婚 吳浩康不想有群眾壓力

吳浩康（Deep）昨日到電台宣傳新歌《愛沒懷疑》及本月底舉行的音樂會，他透露女友崔碧珈屆時會抽時間來看騷，但不會在舞台上向女友求婚，他說︰「唔想靠群眾壓力，佢有權say no。」

Deep近日馬不停蹄為個唱進行綵排，問他可會忙於準備個唱而忽略女友？他透露女友也是大忙人，而且經常四圍飛，但適當的距離對雙方也是好事。

問到女友可有準備湯水給他滋潤？Deep表示︰「Aunite有煲開聲茶同湯畀我飲，佢（女友）煲你都唔好飲，飲完都唔知上唔上到台，佢自己都無信心，哈哈。」Deep又指希望女友屆時可以專心看騷，不用幫忙招呼親友，他說︰「唔想佢變咗知客咁樣喺門口迎賓。」

伯母沒有催婚

崔碧珈母親視Deep猶如「半邊仔」，但就沒有刻意催婚，問Deep可會在舞台上向女友求婚？他斷然拒絕︰「我覺得表演係為觀眾嘅，應該單純咁招呼觀眾，我亦唔想靠群眾壓力，對方（女友）亦都有權say no，求婚同做騷應該分開。」不過他坦言視女友為結婚對象，希望將來可以開花結果。

撰文︰倪小珊

編輯︰黃寶恩

美術︰顏玉玲