男友公司抽起TVB廣告 陳庭欣唔怕身份尷尬

陳庭欣（Toby）在《多功能老婆》有大膽裸背戲，引來不少回響，加上經常擔任大騷司儀，於無綫發展不俗。不過其男友楊振源旗下公司宣布明年不再於無綫落廣告，Toby昨日表示︰「其實報道出咗之後，我都有諗過，呢個只係佢公司內部決定，自己係TVB合約藝員，我做好本份就可以。（怕身份尷尬？）作為女友會尊重佢嘅決定，只係唔同層面就有唔同睇法，2020年唔合作啫，咁21、22年都未知，會隨市場狀況決定嘅。」對於自己在TVB的工作可會受影響？Toby輕鬆表示，網民不用過分擔心，現階段未受影響，總之做好本份就可以。