朱晨麗自封網購專家

朱晨麗（朱朱）有份演出台慶劇《多功能老婆》，她在劇中飾演「靚太」，平日喜歡shopping和美容，經常買新款面膜跟好姊妹分享。平時是慳妹的朱朱，在劇中一嘗購物狂滋味，還可以趁拍劇敷面膜，難怪開工時都特別開心。

講到扮靚，朱朱自認是網購專家，最叻搜羅平靚新貨，她笑言︰「上網買嘢平好多，有時拍劇未埋位無乜嘢做就會上網買衫，主要買來平時做訪問和出席活動時着，唔一定要買名牌。而且拍劇太忙，無時間逛街買衫，就算出街，都係極速shopping。我會一早搵定目標，睇準所有款式、顏色、尺碼，搵咗店舖位置之後，去到舖頭買完就即刻跳番上車。」