66歲謝雪心煮敬老愛心餐

謝雪心（心姐）昨日以膳心大使身份，出席保良局的「回味」流心軟餐食譜發布會。愛心爆棚的心姐親自下廚煮愛心軟餐給老人家品嘗，她說：「除咗試食，仲要試煮，試咗好多次，用唔同材料做到有布甸感覺。其實都唔難，整到出嚟好開心，老人家食好味嘅嘢會好興奮，成晚都好開心，佢哋個個都好鍾意。」

剛度過66歲生日的心姐，收到一班80、90歲的長者合力製作的壽桃賀壽。她說：「最感動係佢哋問廚師點整壽包，做咗一打壽包畀我。對長輩好，年輕人就會對你好，係一個循環。」她表示平日除照顧家中長者，也要照顧師父白雪仙：「年初一我會同仙姐拜年，生日會斟茶畀佢，母親節如果我喺香港又會去搵佢。」