新片盡顯慈母風範 吳君如扮演蘇樺偉媽媽

由吳君如監製及主演、尹志文執導新片《媽媽的神奇小子》日前舉行開鏡儀式，電影改編自前殘奧運動會金牌得主蘇樺偉的故事，除了君如、錢小豪、梁仲恆（成年版蘇樺偉）、張繼聰、胡子彤、馮皓揚（少年版蘇樺偉）等出席外，蘇樺偉及蘇媽媽亦來捧場，場面熱鬧。

在新片扮演蘇樺偉媽媽的吳君如與戲中兒子、舞台劇演員梁仲恆（阿丙），以及蘇樺偉和蘇媽媽齊齊合照，君如盡顯慈母風範。吳君如說︰「拍攝前同蘇媽媽見面，問咗佢好多偉仔嘅日常習慣、興趣嚟取經，當然今次唔係模仿大賽，只係將收集返嚟嘅資料，編寫成一個完整劇本。」飾演蘇樺偉爸爸的錢小豪說︰「我跟君如合作嗰陣得20幾歲，雖然好多年無見，今次再合作好開心！其實早喺10幾年前已經同蘇樺偉有幾面之緣，今次有份演出關於佢嘅故事，都算係緣份，佢仲記得我個名呀！」

張繼聰學習傷健人士行路

至於阿丙及中學生馮皓揚，分別扮演成年版和少年版的蘇樺偉，阿丙直認有壓力，畢竟蘇樺偉已為人認識，觀眾會特別留意他是否演得神似。飾演方教練的張繼聰，在戲中帶領扮演運動員的阿丙、胡子彤、楊偉倫等參與殘奧，對於演繹身體有殘缺的人士，張繼聰說︰「電影係寫殘障運動員，我搵咗物理治療師去理解本身角色嘅病，導致肢體上有缺陷，返到屋企不停練習，但發現要練習不健全人士嘅走路方法，係會令肌肉勞損，所以每次唔能夠練習太耐，練完一定要放鬆。」

至於蘇樺偉本人得知自己的故事改編成電影，開心地說︰「希望可以鼓勵到其他人，帶畀大家正能量。」蘇樺偉媽媽則說︰「好開心偉仔嘅人生拍成一個故事，飾演偉仔嘅演員，無論外形定動靜都好神似，不過比我個仔仲靚仔！」她又感謝君如扮演自己，笑稱對方比自己年輕多了，感覺難為了她。

撰文︰Pauline

編輯︰李潔盈

美術︰梁政敏