Deep V曬事業綫 彭慧中引孫慧雪狂𥄫

彭慧中（Phoebe）、孫慧雪（阿雪）、趙希洛及周志康等，昨日在將軍澳電視城宣傳節目《搵食飯團》，Phoebe以超低V打扮亮相，輕易成為全場焦點，連拍檔孫慧雪也甘拜下風，更大爆自己和周志康經常偷望Phoebe！

向來身材出眾的彭慧中，在《流行都市》經常曬美腿，引來網民熱議。Phoebe與孫慧雪為新一輯《搵食飯團》擔任主持，她們受訪時，阿雪更搞笑地不准Phoebe手持訪問咪，以免遮掩其身材。Phoebe揚言要見傳媒才穿得性感，但阿雪即踢爆說︰「佢開工都係咁着，我同周志康成日忍唔住𥄫佢！」

早餐食麻辣火鍋

Phoebe自爆拍攝節目以來，由朝食到晚，開工時更試過一日食四餐，所以胖了十磅。她說：「以前我好fit，但發覺到咗一個年紀，就會瘦唔番。」她們表示有一次拍攝時壞機要重拍，結果當日食夠五餐。阿雪笑指Phoebe拍攝期間不停食，連放飯都繼續食：「我自己肥咗八磅，最難忘係一朝早就去打邊爐食麻辣火鍋。」

兩女因合作主持節目而成為好友，她們拍攝期間雞啄唔斷，阿雪大讚Phoebe說：「我好鍾意同Phoebe拍檔，因為佢記稿好勁，所以佢負責記晒啲稿，我就負責食。」Phoebe亦笑說：「我哋原本唔識㗎，但係第一日開工就『撻着咗』，大家不停講嘢，原來佢係傻嘅。」

撰文︰Pauline

編輯︰李潔盈

美術︰熊偉然