麥潔文開騷 嘲老公搶Fo

麥潔文（Kitman）前晚在旺角麥花臣場館舉行演唱會，請來老公江華和女兒陳薔天擔任嘉賓，當江華壓軸出場時，全場起哄，難怪Kitman直言呷醋︰「啲焦點去晒你度！」

麥潔文前晚穿上多套閃爆戰衣登場，大唱《勁舞Dancing Queen》及《愛跳舞的少女》等快歌。至於女兒陳薔天獨唱一曲《兄妹》，再與媽咪合唱林憶蓮的《至少還有你》。

其後，江華壓軸出場掀起全晚高潮，有女歌迷大叫︰「你好靚仔呀！」Kitman即扁嘴表示︰「你一出嚟，啲焦點就去晒你度，我有啲呷醋。」江華只好呵番老婆，將歌迷送上的鮮花轉贈Kitman，並大賣口乖︰「唔好咁啦，其實我都係你Fans。」之後他獨唱《追》，再跟Kitman合唱《分分鐘需要你》。Kitman特別感謝觀眾在這個社會氣氛下仍到場支持，並以一曲《夜夜痴纏》作結。

女兒無興趣入行

Kitman完騷後坦言開一場個唱不夠喉，已計劃再開騷。對於女兒在台上演出夠淡定，她大讚女兒熱愛音樂及表演，但她對入行興趣不大，反而想讀完大學再讀博士。問到老公江華獲不少粉絲讚靚仔，Kitman笑言︰「咁咪好囉，講真吖，我都唔執輸！」

此外，提到兒子Bryan早前以義務醫護人員身份在街上為傷者急救，Kitman強調兒子只參與過一、二次，她說︰「我又唔太擔心（安全），佢咁大個人，會對自己做嘅事負責，同埋做得醫護都係想救人。」

撰文︰倪小珊

編輯︰陳禮恒

美術︰顏玉玲

攝影︰林良明