當年「肥過部電單車」 衛蘭苦笑：唔好再講

衛蘭和衛詩兩姊妹前晚在九龍灣出席慈善音樂會，衛蘭自出道以來，身形經常受到批評，前晚她被重提遭舊老闆黎明取笑「肥過部電單車」，令她十分無奈；至於衛詩則主動提起09年在東京藏毒被捕事件，藉以鼓勵同路人走出低谷。

衛蘭、衛詩和Robynn & Kendy等前晚在九展舉行《一首歌一個希望慈善音樂及生命分享會2019》，以歌聲傳達愛與希望，台下歌迷反應熱烈。剛推出新歌《幸福相擁》的衛詩，除了忙於宣傳，早前更與衛蘭遠赴多倫多出席生命分享會，希望藉着自身經歷，鼓勵失意的人。

衛詩主動提到當年在東京藏毒被捕一事︰「幾年前，做咗傷害自己同身邊人嘅事，我依家唔介意講，因為以前嘅我唔係依家嘅我，我學到嘅嘢好珍貴。可能好多人有同我類似經歷，我希望用我嘅經歷，幫佢哋走出黑暗。」

做運動減壓

至於衛蘭在台上表示，近日愛上做運動，她指手臂和大腿也變得有肌肉，奈何肌肉總是收起來︰「做運動可以發洩壓力，舉啞鈴令自己變得強壯，希望好快有成績。」問她是否想搣甩「肥過部電單車」之名，衛蘭苦笑謂︰「唔好再講電單車啦，我只係想健康啲。」衛詩亦希望自己可以減掉五至十磅，她說︰「瘦啲，着衫都好睇啲，仲可以多啲選擇。」

撰文︰倪小珊

編輯︰李潔盈

美術︰梁政敏

攝影︰林良明