釗峰叫栢芝聽歌減怨氣

梁釗峰、林欣彤及陳蕾等前晚錄影無綫節目《流行經典50年》，釗峰挑選獻唱張學友的經典金曲《真情流露》，不過他笑言歌曲太難唱，十分後悔揀錯歌，惟有抱着向學友致敬的心態演出。

提到好友張栢芝在中環開潮服店，近日更親力親為落舖巡視，釗峰說︰「我知栢芝有份參與設計，我之前出新歌都有同佢分享，係藝術交流。」有指栢芝不滿傳媒連日來到店採訪，問他會否開解對方？釗峰說：「我係佛系歌手，不過情緒嘅嘢好難講，可能佢太緊張自己嘅嘢，情緒就有啲波動。我會介紹佢聽我嘅新歌，係洗滌心靈系列，希望唔開心嘅人聽咗會好啲。」