宋熙年計劃再生B

宋熙年（Sarah）昨日為AEON九龍灣店重新開業任司儀，早前宣布離巢無綫的Sarah，透露日前一家三口首次拍廣告。她說︰「前一晚拍廣告拍到夜晚十點，對我哋一家係個好好嘅回憶。」一家三口酬勞是否很豐厚？Sarah自言不太清楚，但感恩在市道不景下，仍有不少工作。

Sarah表示偶然會陪伴一歲兒子返playgroup：「囝囝唔怕醜，但叫佢行東，佢就行西，不過唔喊已經好好。」她透露與老公陳智燊都想再生B：「都有計劃，不過依家好好享受家庭樂同工作先，有好消息會通知大家。」