關寶慧「登六」前姻緣到

關寶慧和劉玉翠前晚結伴欣賞時裝展，兩人十分老友，劉玉翠笑說︰「以前成日一齊打麻將，有段時間我哋失聯，上年一齊做舞台劇又close番。」她讚關寶慧一身鮮艷打扮很靚，關寶慧笑稱︰「我着到成隻鸚鵡咁，李丞責師傅幫我睇過，叫我要着得鮮艷啲，又話綠色最旺我，同埋要留長頭髮！」

53歲的關寶慧又稱師傅在去年已批算她開始有七年姻緣，雖然已接近「登六」，不過有機會着婚紗扮得靚靚也無妨，劉玉翠笑指愛情不分年齡。同場有兩孩之母的陳爽表示：「囝囝五歲，囡囡三歲，已經開學，做媽咪，九月好開心，因為多咗自己時間，不過今個學年一對仔女讀唔同學校，比較辛苦。」採訪、

攝影︰Pauline