唔認伍富橋係男友 林穎彤拍拖要老闆批准

無綫藝人林穎彤（Bella）和緋聞男友伍富橋（Alvin）昨日到電視城出席明珠台《八大行星》記者會，兩人受訪時表現尷尬，但異口同聲否認拍拖，強調只是好朋友。已簽約星夢做歌手的Bella，笑言拍拖要先問准老闆何哲圖。

林穎彤昨日與伍富橋、林師傑、王卓淇及謝東閔等出席記者會，謝東閔和林師傑在台上將Bella和Alvin的緋聞擺上枱，令二人一臉尷尬。受訪時，Bella緊張得不斷傻笑，問她是否正跟Alvin拍拖？Bella說︰「我哋係好朋友，之前影到我哋出街，係因為我哋一齊學唱歌。（有無機會發展？）老闆安排我哋學唱歌，所以係老闆決定我哋有無發展機會，要佢批准。」

林師傑自嘲係大叔

Bella又緊張維護Alvin說︰「你哋唔好嚇親佢。」Alvin則大讚Bella是好女仔︰「Bella係我前輩，有無發展可能就要睇老闆，佢想我哋專心工作，我哋係做好朋友嘅對象。」Bella聞言說︰「係好對象，不過驚老闆誤會，所以做好朋友先，唔想行差踏錯。」另外，林師傑日前為劇集《十二傳說》獻唱主題曲《傳說》，並邀請一位19歲美少女擔任MV女主角，師傑笑言︰「即刻覺得自己年紀似係大叔。」

撰文︰倪小珊

編輯︰李潔盈

美術︰梁政敏

攝影︰林良明