伊健與Nowhere Boys 合唱《時光歲月》

鄭伊健日前應寰亞唱片旗下樂隊Nowhere Boys主音Van邀請，合唱新歌《時光歲月》。合唱之外，伊健亦一口答應演出MV，他直言︰「我都有一段時間沒有錄全新廣東歌，好開心有呢個機會。」

Van早前寫了這首歌給偶像伊健，他坦言萬料不到伊健會和他們合作，他說︰「公司同事喺我生日當天，話畀我知呢個好消息，所以係我今年最大嘅一份生日禮物。」之後他將歌詞反覆修改，務求做到盡善盡美，Van表示︰「本來是以一個fans角度去描述，但合唱的話，我立即聯想到伊健一系列的動人情歌，所以依家嘅處理會有呢個元素。」

獲得忠實粉絲邀請合唱，伊健表示︰「近年香港band壇都好流行互相幫忙、合作，我好喜歡呢種氣氛感覺，以前樂壇比較沉默，但音樂其實應該大同。我一直有留意Nowhere Boys嘅音樂，覺得呢隻歌可以一齊做，唔使分得咁清楚我係歌手你係樂隊。」

撰文：倪小珊

編輯：黃卉彤

美術：梁政敏