公公變公爵 祥仔教港姐惡補口才

黎耀祥、曹永廉、蕭正楠及黃浩然昨日與今屆15位候選港姐，到澳門拍攝《香港小姐公爵特訓班》，眾佳麗均以貼身晚裝亮相，大騷玲瓏浮凸身材。四位「公公」化身「公爵」名正言順望女仔，他們笑指不用跟太太備案。曹永廉稱︰「睇女仔可以，掂就唔得。」身旁的蕭正楠即窒他︰「我哋就睇到啫，你眼矇，好似啲盲人凸字咁，要摸下先知。」黎耀祥則指今年佳麗質素不俗，睇好黃嘉雯及蔡嘉欣，祥仔謂︰「兩位外形好好，幾有台型，係口才要改善下，唔識講嘢，評判畀分會打折扣。」

港姐決賽將於9月8日舉行，楊詠彤表示會勤力做運動，保持綫條美，黃嘉雯則說︰「我會做gym同注意飲食，唔想成條柴咁。口才方面真係初哥，對住四位前輩難免緊張，學戲老師叫我哋讀報紙練口才。」