張振朗有劇出 洗脫「地獄黑仔王」污名

張振朗昨日為新劇《包青天再起風雲》進行宣傳，對於受「安心出軌」事件拖累，接連兩套有份演出的新劇都被抽起，他表示︰「依家終於有劇出，真係望到頸都長。」

張振朗、胡定欣、譚俊彥及曹永廉等昨日為《包》劇造勢，張振朗透露上一套劇已是兩年前的《踩過界》，亦坦言曾為兩套劇出不到街感到不開心，但否認嬲到爆粗。他表示︰「我淨係諗今年係咪犯太歲。上天自有安排嘅，已經過咗去喇，依家置諸死地而後生。（網民叫你「地獄黑仔王」？）係咪可以洗脫呢個稱號？呢個名係我偶像張家輝喺電影入面個朵，幾得意。」

至於譚俊彥透露下周一到雲頂開騷，會帶女兒前往看騷，他說︰「呢排成日同個女一齊練歌，但佢唔會上台。媽咪都會去，佢當年喺雲頂做過騷，我部分學費都喺度嚟。」至於劇中飾演陳世美的黃子恆，早前的桃色事件令形象插水，問可擔心演負面角色難翻身？他表示︰「唔驚，觀眾識分嘅，鬧都係觀眾睇得投入。」

撰文︰倪小珊

編輯︰黃寶恩

美術︰梁政敏