國際幼園怪獸家長投訴多多 港媽睇唔過眼列出4大罪狀

香港投訴文化盛行，有部分家長更是非常過分。一名子女在私立國際幼稚園上學的媽媽日前在網上發帖，指其他家長喜愛投訴，一些鷄毛蒜皮的事也要誇大來向校方投訴。身為家長的她認為，小朋友開心上學最重要，家長不必每天無理取鬧，為教師製造麻煩，「學費不便宜，但不代表畀錢就可以為所欲為！」

樓主列出4大罪狀

該名媽媽在Facebook群組「生仔要考牌系列」投稿，指孩子在一間私立國際幼稚園就讀K2，每年學費要交足12個月，通常每班由一名外籍教師、普通話教師及一助教負責。未料，今年其中一班學前班（PN班）的家長「日日投訴學校」，而且投訴花樣層出不窮，令她甚為看不過眼，忍不住要列出4大罪狀：

1. 涉事家長投訴班主任是黑人，會嚇壞小朋友

2. 涉事家長認為PN班學生最遲出課室，唔公平

3. 日日都不停雞蛋裏挑骨頭，不停投訴老師學校不是

4. 7月學校只返半個月，全班中竟然有一半家長為省回1個月學費，5月就通知學校返埋6月，集體退學

樓主逐一作出抨擊

對於以上罪狀，她逐一作出抨擊。首先，她指出該名黑人老師曾教過其孩子，很有愛心又細心，「膚色黑又如何？......讀返主流學校，咪唔會有黑人囉，咪唔會嚇到你的公主同王子囉。」其次，對於PN班學生最遲出課室一事，她指出學校此舉是基於想集中資源照顧學生，「PN最細，想多啲老師幫忙拖佢哋......學校一直都有呢個安排，我唔明等多一陣難道會死？」

而對於家長日日不停雞蛋裏挑骨頭的現象，她直言的確是有些老師偶爾是比較「蝦碌」，例如會調轉學生的功課手冊，但這其實只是小事一宗，「老師都係人，老師唔係聖人！」至於家長集體提早退學以省回1個月學費，她大感無奈，指出7月雖然只是「日日玩加只係彩排結業大匯演」，但結業大匯演中每位學生都會上台表演，以分享他們1年的學習成果，「是小朋友的big day」。

樓主：畀錢讀私校唔係大晒

「我要重申，畀錢讀私校唔係大晒！」她表示，自己當初為孩子選讀該校，正是因為希望小朋友可以愉快學習；而小朋友在該學校就讀了3年，期間她只有一次因安全問題而直接投訴過。對於該些家長以上種種投訴，她直言：

「我真係睇唔過眼呢班PN家長的行為，你估讀私校大晒㗎？」

網民：投訴係香港主流文化

此事引來網民熱議，不少人紛留言表示老師很辛苦，認為投訴文化在香港太盛行，「我真係不能同意更多，老師都係人，唔係聖人，我覺得做老師真係好辛苦」、「投訴已經唔關生仔要唔要考牌嘅問題，係香港主流文化乜都投訴一餐，唔投訴好似會蝕底咗畀人咁」、「依家啲家長係咁，小小事就話投訴到教育局」。