《愛．回家》收視破紀錄 歐陽震華再「回家」視乎群姐

歐陽震華（Bobby）早前客串處境劇《愛．回家之開心速遞》，與「群姐」許思敏上演「三世姻緣」，結果該集大破《愛．回家》開播以來的收視紀錄。昨日Bobby大讚群姐人紅特別靚，又暗示隨時也可再客串演出。

歐陽震華、許思敏、滕麗名（阿滕）、劉丹及呂慧儀等，昨日出席《愛．回家》祝捷活動，慶祝第606集《波比與群姐的前世今生》的七天跨平台總收視達32.3點，成為《愛．回家》前年首播以來最高收視紀錄。

Bobby與群姐在活動上表演合巹交杯，二人及後一同受訪，問Bobby會否再客串《愛．回家》？他笑言要看群姐檔期，更大讚群姐靚女，群姐亦說：「要睇Bobby支旗！」Bobby聞言搞笑說：「梗係睇我支旗，TVB係我山頭，當然插住我支旗。（客串）睇公司安排，唔係話吊癮，但添食還添食，唔可以太密，要畀觀眾消化。」問群姐最想與Bobby演出甚麼場口？她說：「我依家係Bobby超級fans，做咩都開心，只要係出得街就得！Bobby係咁讚我，搞到我都覺得自己靚咗，令我人生添色彩呀！」

滕麗名錯失合作機會

同場的阿滕大呻Bobby客串期間，自己因拍電影《尋秦記》，錯失與Bobby再合作的機會。她說：「我哋合作過《一屋老友記》，依家返我嘅地頭都唔同我玩，真係嬲！如果再拍的話，只要拍我路過都得！」

撰文︰Pauline

攝影︰林良明

編輯：李潔盈

美術：梁政敏