上架小巴飛站西裝男嬲爆 落車拒畀錢仲話「畀你老細電話我」

上一班小巴飛站，是否到乘搭下一班時就可當成搭「霸王車」理由？一名身穿恤衫西褲的四眼男子，搭小巴落車被指拒絕付錢；當被司機喝止並要求付車資時，他反而質問對方：「咁我等咗15分鐘點呀？」，更要求「畀你老細電話我」。

一名男網民前日（26日）在Facebook發帖，指事發於當日下午3時15分左右，他聲稱乘搭由香港站往半山區的9號小巴時，遇到西裝男拒絕付錢一幕：

1)男子到寶雲道，未付車資強行下車

2)司機喝止，要求佢付車資

3)男子不肯就犯，理由是上一班車飛站

{{hket:inline-image name="bus280620198.jpg"}}{{/hket:inline-image}}

從樓主上傳現場短片顯示，司機將車停在路邊後落車，氣憤地斥責西裝男「你坐車你就要畀錢」；未料，該西裝男竟一臉理直氣壯，更反駁「咁我等咗15分鐘點呀？點解要飛車呀？」，更著司機「畀你老細電話我」。

對此，司機大動肝火，反斥道︰「你坐我車你就要畀錢！你如果要投訴，你打電話去運輸署，香港政府係畀你投訴嘅……我點X知你坐邊部車呀！」隨後，司機著西裝男直接致電專線小巴打理人，隨後便向一名疑似附近屋苑等保安求助。

{{hket:inline-image name="bus280620199.jpg"}}{{/hket:inline-image}}

樓主又留言補充，懷疑西裝男「堅走數」：

「司機未棄車追捕佢之前，佢只係話：『你問返上一部車。你問返佢啦。』含糊其詞，咩都無講。我開頭聽完，仲以為佢係上一部車入咗錢但無位。畀著第2個司機，有機會比佢咁拖拖泥泥（拉拉）過到骨。」

對此，大批網民均認為西裝男十分「肉酸」，「坐車就要付車資，真係咩人都有」、「上班車飛站關呢班車乜事？就可以唔畀錢？」、「玉皇大帝第9個孫！」、「斯文敗類」、「飛站咪唔好搭囉……坐的士嘛」、「你停喺度都唔止15分鐘啦」。