黃淑儀重提被刺傷眼舊事 阿姐︰佢真係好介意

汪明荃（阿姐）、翁嘉穗及黎芷珊等昨日出席張寶華畫展揭幕禮，阿姐談到日前黃淑儀重提當年與她合演《書劍恩仇錄》時被刺傷眼一事，似不滿阿姐未有慰問，阿姐表示︰「有留意，由後生到依家我都講緊對唔住，可能年輕時我唔係好識呢啲，但佢每次講親，我都會再講對唔住，咁多年佢可能真係好介意。（同黃淑儀仲有無交往？）我哋有合作過拍劇喎！」

性感打扮的翁嘉穗笑言趁老公不在港立刻「無王管」，她解釋以前年輕，老公會管得較緊，現在不太理會，反正他很少看娛樂版，兒子在美國波士頓留學，思想更開放。問到兒子拍拖未？翁嘉穗表示︰「佢開始有啲對象，我叫佢慢慢嚟。（任何國籍都接受？）都係嘅，老公就傳統啲，可能鍾意中國人多啲。」她透露剛大學一年級的兒子早前返港放暑假，還找到暑期工，一家人下個月會出埠度假。