戥單文柔生B辛苦 陳展鵬想囡囡先叫媽媽

陳展鵬、譚俊彥、江華和麥潔文夫婦等前晚演出《明愛暖萬心》，榮升爸爸的陳展鵬表示愛女「小豬比」已兩個月大，他坦言太太單文柔生女、湊女辛苦，希望囡囡將來學說話時，會先開口叫「媽媽」。

陳展鵬前晚為慈善節目大展歌喉，他笑言最近經常在家為囡囡「小豬比」唱兒歌︰「我多數都係唱英文歌𠱁BB瞓，好似《Baby Shark》等，依家英文咬字都準咗。BB個口形好似想跟住我唱咁，條脷伸下伸下，我諗好快識發音。」問他想囡囡先叫「爸爸」或「媽媽」？他即說︰「梗係『媽媽』，因為媽媽開心，爸爸就開心，加上太太生B咁辛苦，不過聽人講話『爸爸』容易啲發音。」

提到單文柔快將收身成功，陳展鵬指太太懷孕時有控制體重︰「至於太太想幾時復工，隨佢鍾意，我就話入咗行咁多年，多姿多采，佢入行兩年就因為生B要暫停，我都想佢再睇多啲嘢。」

同場的江華與太太麥潔文（Kitman）及細女陳薔天，齊齊獻唱籌款，不過三人沒有同台演出，只是Kitman先後與女兒及老公合唱，她解釋自己與江華是分別獲邀參加。首次上電視演出的陳薔天坦言十分緊張，江華則大讚囡囡有歌唱天份。

問到會否栽培囡囡入行做歌手？Kitman坦言現在歌手難做，不如先讀好書，江華認同說︰「一路做嘢一路讀書讀上去，做個明白事理嘅人。」陳薔天表示有機會也會嘗試做歌手，但同意要先讀好書。

撰文︰Pauline

編輯︰李潔盈

美術︰梁政敏