首度合作 偉仔城城互笠高帽

郭富城和梁朝偉日前到上海出席新片《風再起時》分享會，首次合作的城城和偉仔，直言是次合作既有默契又愉快，可謂惺惺相惜。

郭富城日前與梁朝偉、杜鵑及導演翁子光等人亮相分享會，城城表示一直欣賞偉仔，緣份到了，便促成二人合作。城城說︰「我哋出奇地咁有默契同火花，同優秀嘅演員合作，係拍戲嘅最大樂趣。」城城在片中飾演五億探長雷洛，他說︰「過去有好多關於雷洛嘅電影，我希望可以用另一個角度去演繹呢個傳奇人物，將大家心目中嘅雷洛形象改變下，希望大家鍾意。」

至於飾演「南江」的偉仔亦大讚城城說︰「城城係一個好用心演戲嘅演員，同佢做對手交流好好，今次合作愉快。」偉仔更大賣關子，特地學習了一種樂器，為戲中城城跳舞而伴奏，令偉仔大呼過癮。

撰文︰倪小珊

編輯︰李潔盈

美術︰熊偉然