8月歐遊 坤哥隨口噏：一個去十個返

吳業坤（坤哥）前晚出席《勁歌金曲優秀選》，提到近日要趕拍新劇《大醬園》，而另一新劇《街坊財爺》亦預計下月推出，坤哥嘆謂幾乎沒有時間休息，但寄望暑假到日本及歐洲旅行充電。

坤哥一直以來的異性緣相當旺，康華與他在《大醬園》合演母子，兩人格外投契。坤哥表示：「今次拍攝時間好長，不過同戲內嘅媽媽康華合作得好開心，估唔到佢咁玩得，仲話要留層樓畀我！」

早前完成個唱後，坤哥一直忙着拍劇，沒有好好休息，他打算完成手頭上的工作後，讓自己在八月放假一個月。坤哥續稱︰「想去日本、歐洲旅行，其實之前拍《殺手》已經想去旅行，但監製話我戲份多，唔畀我去，已經無咗一張價值五位數嘅機票。（帶康華同遊？）我自己一個咋，希望一個去十個人返。（十個女性朋友？）四海之內皆兄弟，識多啲朋友嘛！」

撰文︰Pauline

編輯：陳禮恒

美術：招潤洪