太太疑似有喜 周柏豪︰佢着鬆身衫有2年

周柏豪太太Stephanie近日被發現頻頻穿上鬆身衫，因此被傳有喜。柏豪剛與蔡卓妍在「上海電影節」宣傳新戲《感動他77次》，他返港後出席《勁歌金曲優秀選》，並回應太太懷孕傳聞，柏豪笑言：「我老婆着鬆身衫着咗兩年啦，而且我架車好高，扶上落車好正常，不過有好消息嘅話，我一定同大家分享。」

同場的鄭俊弘近日完成補拍新劇《法證先鋒IV》，他大讚湯洛雯狀態很好。對於女友何雁詩和何爸爸最近到新加坡參加高爾夫球比賽，鄭俊弘稱有時間也會跟女友學打波，自覺球技亦有進步，但仍屬BB班。