拍《3日2夜》 陳庭欣閉關3個月減肥着泳衣

陳庭欣（Toby）、翟威廉及周志文前晚在沙田出席活動，Toby穿上背心熱褲大曬fit爆身材，原來她有苦自己知，每次要穿泳衣出鏡前，竟要提前三個月節食keep fit，相當刻苦。

陳庭欣前晚一身清涼打扮，出席「極Day十二小時接力極地輪椅疾走」慈善活動，提到她最近在IG上載三點式泳照大曬身材，她笑言是為了宣傳即將播出的節目《3日2夜》。她說︰「依家每隔年幾拍一次《3日2夜》都唔錯，每次着泳衣上鏡，我都要三個月時間減肥，因為我唔想減得咁急，嗰段時間會慢慢減少食量，食多少少都驚唔夠fit。」她表示減肥最後一個月，更會謝絕所有飯局，連男朋友約會也會推掉。

提到同場的舊愛翟威廉平日不時jam歌，問Toby會否跟對方一齊唱？她表示平日有跟歌唱老師學習，但坦言對自己的歌藝無信心︰「唔好嚇親大家，之前我上《流行經典50年》，都緊張咗一個月。不過我隻鸚鵡反而識唱一句happy birthday㗎！」

翟威廉化身音樂人

翟威廉、周志文及陳苑澄（Tania）前晚以組合「Happy Live」身份現身，威廉透露他們有意推出原創新歌，更由他親自作曲。他笑說︰「我哋反其道而行，做做下演員走去唱歌，其實歌都作咗，不過要編曲，希望今年內成事，總之唔會係我唱，交畀佢哋唱，我學極都唱得唔好！」周志文表示近來跟威廉學結他及鋼琴，而Tania直言每次演出前，心情都十分緊張，所以反覆練習，希望臨場表現不會失準。

撰文︰Pauline

攝影︰林良明

編輯︰李潔盈

美術︰陳超雄