卓林唔覆WhatsApp 吳綺莉︰可能佢忙

吳綺莉昨日出席「萬希泉x鄭明明不倒翁系列陀飛輪腕錶」發布會，提到與女兒吳卓林的關係時好時壞，吳綺莉表示惟有盡做盡講，更笑言一切隨緣，似乎不再執着。採訪︰Pauline

吳綺莉昨日一身便服現身，問她最近可有跟卓林聯絡？她表示有發短訊給囡囡，但卓林已讀不回︰「佢有睇到，不過隨緣啦，經一事長一智，人要成長要進步，今次我學到嘢，以前我個性好急，依家唔覆唔緊要，可能人哋好忙，要顧下人哋感受，朋友都叫我學做小鳥（依人）。」

不獲卓林回覆會否失望？吳綺莉說︰「第一次會失望，依家無所謂。」有傳卓林與太太Andi婚變？她說︰「我唔清楚，佢大個女，我唔問太多。」

開畫展感到壓力

另外，提到工作動向，吳綺莉計劃開設個人畫展︰「不過我畫得好慢，依家只畫咗三幅畫，起碼要20幾幅先夠，始終個人畫展就要對自己有要求，我都諗唔到畫乜，除咗人，乜都會畫，其實都有壓力，不過隨緣啦。」

攝影︰林良明

編輯︰李潔盈

美術︰熊偉然