6‧16遊行 揭發銅鑼灣旅巴漏油 張堅庭鬧爆︰呢個係計時炸彈

前日估計有近200萬人上街遊行，身在其中的導演張堅庭途經銅鑼灣鬧市時，目擊一輛中港旅遊巴的油箱不斷漏油，為怕釀成意外，張堅庭指揮在場的保安人員作出應變措施，其處理手法，獲得不少網民大讚拯救了一場災難。

張堅庭昨日早上在其FB的個人頻道上載短片，他透露當日化身觀察員，拿着相機穿梭於遊行路綫的大街小巷，當他步行至時代廣場對出的羅素街時，突然聞到一陣刺鼻的氣味，原來是停泊在街邊的一輛中港旅遊巴正在漏油，但最令他震驚的是，距離旅巴不足十呎範圍內，竟有一個裝滿煙頭的垃圾筒，張堅庭表示︰「嗰度噴緊油，如果啲煙頭辣着咗成個爆炸，隔籬有幾十萬人喺度（遊行），如果人群踐踏，可以去到咩地步呢？」

司機照讓乘客上車

之後張堅庭播出片段，片中看到中港旅巴的油箱在噴油，司機查看後只用地拖清理地下油漬，又照樣讓數十名乘客上車，這時張堅庭立即喝罵司機︰「你漏緊油呀！仲畀人上車？你係咪傻㗎，叫佢哋落車啦！」

之後張堅庭愈罵愈大聲︰「完全無安全意識，呢個係計時炸彈，真係離晒譜！」接着他又質問時代廣場的保安人員可有報警，又指揮他們阻止市民不要走近漏油的中港旅巴。期間有市民問張堅庭︰「係咪特登㗎？」他回應︰「唔係特登嘅，佢（司機）懵盛盛啫！」擾攘一段時間後才有消防到場協助。

不少網民看過片段後，大讚張堅庭出手相助很窩心，直指香港很需要像他一樣成熟細心的守護者，有人則斥責該名無知司機險釀成無法挽救的災難。

撰文︰Pat

協力︰Ranee

編輯︰黃寶恩

美術︰Simon