薛凱琪 X Dear Jane 相隔十年同台再「扭」

薛凱琪（Fiona）和樂隊Dear Jane將於8月6日假會展舉行一場《On the Rocks》音樂會，相隔近十年後再度同台演出，Fiona希望藉着自己一些少女情懷的歌曲，將Dear Jane鐵漢柔情的一面展現給觀眾，相信樂迷定必引頸以待。

Fiona和Dear Jane四子同樣是03年出道的樂壇新人，正所謂十年人事幾番新，但五人唯一沒變的，就是對音樂的執着和熱誠，Fiona表示︰「我哋十年前做過一個騷，十年後會有另外一把火出來。」Dear Jane續稱︰「大家呢十年都有好多唔同作品，所以想有更多合唱，撞多啲火花出來。」Fiona盛讚Dear Jane近年玩音樂好玩又夠放，當得悉可以和他們同台演出時，感到既興奮又期待，她說︰「可以唱一啲我平時一個人開騷唱唔到嘅歌，例如將我一啲耳熟能詳嘅歌，變得歇斯底里，或者更加強化感覺的一個版本，如果我一個人開騷時成晚都係咁樣（唱法），大家會覺得好奇怪。」

夠癲才有火花

相隔這麼久再合作，難得眾人默契依舊，Fiona笑指喜歡和比較癲的人合作，因為當大家都害羞時，就不會擦出火花。而音樂會上，少不免會互唱對方的歌，當中包括Fiona的首本名曲《奇洛李維斯回信》，Fiona表示︰「我好想提議佢哋唱我啲少女情懷嘅歌，因為男人都有一個少女心，都有柔情嘅一面，希望呢個騷可以show到佢哋嘅柔情，同埋我唱《886》時，好想佢哋同我一齊扭腰，因為我永遠都缺少一個人同我一齊扭。」

Dear Jane主音Tim（黃天翱）即笑言︰「依家唔識扭，可能到時會學識。」Dear Jane經常創作歌曲予其他歌手，就連Fiona都恨他們寫歌給自己，她笑言︰「大家咁好朋友，寫番十隻八隻歌畀我，或者喺台上表演寫歌畀我唱。」Dear Jane聞言笑說︰「嘩，仲要即興呀？」

場地︰JOOX Studio

服裝︰Spiritunus

撰文︰倪小珊

攝影︰林良明

編輯︰黃卉彤

美術︰顏玉玲