關寶慧與Ben Sir相逢恨晚

關寶慧昨日與歐陽偉豪（Ben Sir）出席音樂劇《我們的青春日誌》記者會，兩人因此劇認識，早前獲封舞台劇后的關寶慧，更形容有種相逢恨晚的感覺。

關寶慧昨日與Ben Sir、鄭丹瑞及劉威煌等出席記者會，相隔30年再次演出音樂劇，關寶慧坦言感到甚有壓力，因劇中她除了飾演校長外，更要唱很多高難度的歌，她說︰「每首歌都好高音，所以都有上堂練唱歌，希望唔好傷到把聲。」關寶慧雖然跟Ben Sir不同組別演出，但就要一起排戲，她大爆對方經常爆肚十分搞笑，她笑言︰「有種相逢恨晚嘅感覺，好彩我哋唔同綫，唔係一定笑爆嘴，大家都會演唔到。」

至於Ben Sir就大讚21歲的導演陳恩碩相當有才華，他說︰「佢啲劇本寫得好好，對白好精警，有次同佢傾偈傾咗六個鐘，大家咩都講，佢仲話想報讀博士學位。（有無興趣寫劇本？）暫時唔會，但好樂意提供意見。」

撰文︰倪小珊

攝影︰林良明

編輯︰黃卉彤

美術︰梁政敏