淘寶買寧采臣書生籃買餸 人妻「找數」開箱孭上身激讚

淘寶貨品應有盡有，亦為不少人帶來無窮樂趣！一位已為人妻的網民早前在Facebook 群組「淘寶開心share」分享，指在淘寶發現有電影《倩女幽魂》中男主角寧采臣所揹的書生籃出售，希望買來作買餸之用，令網民甚為期待。事隔一星期，貨物終於到埗，人妻昨晚再發「開箱文」並揹起來拍照，成功再次引來網民密切關注！

{{hket:inline-image name="tao310520197.jpg"}}{{/hket:inline-image}}

該名人妻上周五（24日）發帖表示，自己在網上購物平台淘寶發現有售寧采臣書生籃，「我同我老公講我想買呢個去買餸，佢咩都未講淨係del咗淘寶個app（轉個頭我咪又係down返落嚟，傻豬嚟嘅）。之後就同我講：老婆，你唔好咁痴線啦好嗎？明明呢個感覺上幾好用！」

{{hket:inline-image name="tao3105201911.jpg"}}{{/hket:inline-image}}

周二（28日）她再次發帖分享，指自己在淘寶上發現有「擔挑」賣，「各位太太們，如果想老公怕咗你去買餸，不妨買個書生籃！之但係……冇理由要餐餐出去食咁貴㗎麻，應該要留多啲彈藥嚟淘寶，買餸嘅責任可以交畀老公…….如果唔想佢咁辛苦拎住啲餸，可以諗下買呢枝嘢畀老公，等佢擔返屋企好了（冇錯啊，我想買埋呢支畀我老公）！」翌日，她發帖指自己已「堅買」書生籃，「嗱，等多2至3日就到啦……如果禮拜五到的話，我就揹住佢去南丫島！」

{{hket:inline-image name="tao310520196.jpg"}}{{/hket:inline-image}}

{{hket:inline-image name="tao3105201910.jpg"}}{{/hket:inline-image}}

{{hket:inline-image name="tao310520192.jpg"}}{{/hket:inline-image}}

在一眾網民「等到頸都長」之際，她昨晚發帖「找數」，宣布書生籃已經到埗，「戰利品已到，準備開箱」；其後她又更新帖文，貼出孭起來試用的照片。在回應網民留言時，她指出該個書生籃有分碼選擇，由於她較為嬌小，因此所購的為「細路仔版」；至於孭上身的感覺，她表示書生籃並不重、頗為「實淨」，又大讚「正到不得了」、「唔好講笑 真係幾好揹」。雖然老公、媽媽等均表示「冇眼睇」，但她仍感到開心，表示過兩日放假會揹出街買餸及到南丫島探望朋友。

{{hket:inline-image name="tao310520194.jpg"}}{{/hket:inline-image}}

此事引來網民熱烈反應，不少人表示：「最期待嘅畫面出現啦！」、「笑死我喇！我以為你講吓笑，原來真係買咗！」、「我要去打卡啊～出街出預告啦～」、「樓主會喺邊度出沒多？想當你揹住呢個時撞見你。」、「一定要帶埋個大喇叭，播住『人間道』行街」。此外，亦有網民笑言：「再淘埋把油紙遮咁就perfect池啦！」、「要訂埋套古裝衫先夠絕襯晒成個組合！」對此，人妻留言表示驚「家變」，「唔搞咁多啦！」

{{hket:inline-image name="tao310520199.jpg"}}{{/hket:inline-image}}