黎明跑50層樓梯籌款

黎明（Leon）昨日以公益金名譽副會長身份，到西九環球貿易廣場錄影《公益金萬眾同心50年》籌款項目「越級挑戰為公益」，與行政會議召集人陳智思，攜手接力挑戰跑樓梯登上天際100觀景台，二人為慈善不遺餘力。

戴上cap帽的Leon，以一身全黑運動裝現身，見他身形清減了一點，且全程面露笑容，心情相當不錯。負責跑頭50層的Leon，在起點前做了拉筋等簡單熱身運動，最後他與陳智思合力用了35分鐘完成跑100層樓梯，籌得100萬善款，連同其他善款，該項目共籌得超過310萬元。

司儀問Leon跑樓梯跟他平時跑步有何不同？他直言︰「之前無嚟練習過，估唔到呢度啲樓梯級比較高，仲有少少暗斜。」司儀又問他覺得空氣質素如何？Leon帶笑表示︰「樓梯嘅空氣質素你諗下有幾好呀？不過無塵、很乾淨，算幾好了。而且每隔幾層都有工作人員問需唔需要水或毛巾。」活動後Leon立刻離開，未有接受媒體訪問。

陳庭欣被誤認日本人

擔任活動司儀之一的陳庭欣，前日下午才從大洋洲島嶼新喀里多尼亞拍完《3日2夜》返港，她笑言拍了七日才唸到這個地方的中文名︰「當地有很多法國人和日本人，中國人就比較少，所以我哋去到都被誤以為係日本人。」問到期間可有艷遇？與男友感情穩定的庭欣坦言現在已經與異性絕緣，但有時都要被迫望靚仔︰「嗰度啲人喺沙灘很free。嗰邊依家係冬天，不過當地人喺十幾度仲繼續落水玩，而且個海有鯊魚和海豚，佢哋都唔怕。」

撰文︰Pauline

編輯：黃卉彤

美術：招潤洪